所谓懒音，其实即系发错音或者系发音唔准。但系点解叫做「懒音」呢？
啲人会将某种声母/韵母读成另一种发音较悭力嘅声母/韵母；
懒音现象列表
声母
n 声母 读成 l 声母
ng 声母 读成 零声母
gw 声母 读成 g 声母
kw 声母 读成 k 声母
韵母
-ng 韵尾 读成 -n 韵尾
-k 韵尾 读成 -t 韵尾
ng 鼻韵 读成 m 鼻韵
*有懒音嘅人未必每种懒音现象都有齐
成因
（以下以「n 声母 读成 l 声母」作为举例）
多数人都系认为系主因系因为 l 声母 嘅发音会比 n 声母 容易啲，
所以啲细路学讲嘢嗰阵，舍难取易，慢慢养成懒音。
养不教 父(母)之过
因为啲父母教仔嘅时候根本冇理到啲细路读 n 音 定系 l 音，
佢哋净系会关心有冇将「柠檬」讲做「橙」。
就算将
「柠(n 声母)檬」读成「零(l 声母)檬」；
「橙(-ng 韵尾)」读成「产(-n 韵尾)」
都唔会理。
不过而家好多父母自己都有懒音，所以读错都唔知。
但系其实我觉得 n 声母 未必真系难读过 l 声母。
我读咁多年英文都好清楚n音同l音嘅分别，好细个已经识。
用普通话讲「你好」嘅时候，「你」字都会好自然噉发n音。
反而讲广州话有时都会口快发咗l 声母嘅「理」，呢个又系习惯嘅问题。
我哋学母语唔会好似学外语（英文、普通话、日文...）噉学咗拼音先，
冇咁注重音韵，只求音似，冇注意到咁细致嘅分别。
大咗又唔会留意翻，因为自细以咁多年嚟嘅沟通都好成功。
懒音就一代「遗传」一代。
同人讲佢有懒音，好多人都会话「明咪得罗！」。系，虽然讲嘢有懒音未必真系会引起乜嘢笑话，或者令人唔明你讲乜。因为可以靠上文下理推敲讲紧乜（又可能香港人已经「习惯」晒懒音），但系带有懒音嘅粤语已经唔系正宗、标准嘅粤语。外国人学广州话，分分钟重准过我哋！重有，如果识得讲标准粤语嘅人听到呢啲懒音，会讲得好唔舒服，我有时听到都打晒冷震！
懒音的成因有生理与习惯两大种类。所谓生理，是发声气官的障碍；例如：上颚下塌、嘴巴、盖合不全、舌头短、呼吸气量浅，从少习惯「随心所欲吐字」即不分子音母音而令发音器官退化等。
至于习惯懒音，则从小被大人忽略咬字吐音要正确，于是久而久之成了习惯，待到希望矫正又力不从心。无它，因为言语的各种***鸣如果长期荒废，必然减弱功能，而懒音者又不是专长于声音学问，因此往往自救无效，这就是笔者写声音与健康的目的，希望一些问题不大的读者可以按方法而有所获得。
不要小看懒音问题，其实说话清晰会对自信心大有裨益。希望老师及家长们对小朋友的言语多加注意，一发觉有咬字不清的毛病马上纠正，养成字正腔圆，对小朋友一生受用。