相声： 《借电话》粤语剧本
由李锦成、黄琼肖、陈雪琳、2名志愿者分别扮演（A黄俊英 B杨达）
B：（得意）我啊叫杨达，系一个相声演员。
A：（滑稽）我啊转左行啦，我系电话局噶，我个名叫做菊花园。（手势）
B：（偷笑）我屋企宜家装左个电话，
A：对了，距个电话系我负责装到距家。（升调手势）
B：不管点都好，我先多谢你同埋电话公司。
A：哎，使乜客气啊，不过甘样喔? B：点啊
A：第日我地电话局开卖会请你出个节目助兴一下喔。（手势）
B：哎，话咁易啦
? 只要你开声，我保证同你搞掂晒距
A：系咪啊？（惊讶）
B：还早我宜家写紧一个节目叫做“金钱板说唱”
A：叫咩名？
B：叫做赞电话
A：电话都赞得？！
B：梗系赞得啦！
A：喂，嗡几句黎听下咧！
B：喂，顺口溜黎噶喔
A：好啊！
B：啦，听完之后多提意见啊? A:唔好客气！
B：好唔好，啦，听住！
? （叫板）话说呢一日，正系喔休息，电话局噶菊师傅真系够晒积极，距为我装电话，就系全心兼全力，宜家屋企有个电话，我做起事黎就的确就系够晒招积，一个电话搞掂晒嘎啦唔使下下去打的
A：啊好野好野！（拍掌）
B：哎呀，好咩野啊真系！
A：啊嘀嘀嘀嘀嘀嘀嘀嘀咁喔
B：哎，过奖过奖！
A：啦，甘啊，我有滴事，得闲再探过你好唔好？（走）
B：得闲坐下！
A：系咁先！
B：好！
? 哎啊，真系屋企有个电话零舍唔同噶，车钱都悭翻好多喔！
? 啊，好似喔二楼噶果个张太啊，旧年已经装左个电话了！
? 哎呀，今日轮到我装啦，我听讲我地三楼同埋四楼果个谭sir啊、周sir啊甘样，距地已经申请紧，准备装，应该啦，线路甘多，又方便，系咪啊，真系！
（A讲顺德话）
A：开门！
B：边位啊
A：啊楼上周大婶啊
B：哎呀周大婶，甘错荡啊!
A：想借个电话打下姐嘛！
B：甘快借电话啊？
A：乜你又唔肯借啊？
B：唔系，有咩唔肯借姐，借电话有乜所谓啧！哎过黎过黎！
A：啊你啊真系好人啦，你啊唔似楼下二楼果个张太啊
B：二楼张太点噶呢？
A：二楼张太硬系唔肯借啊
B：点解唔肯借啊
A：因为怕会出人命，负唔起责任
B：唉借电话点会出人命呢
A：系啊因为距话个电话会漏电,仲话专门电果滴伯爷婆添啵！
B：你听距讲啊，电话点会漏电呢！
A：你个电话唔会漏电啊嘛？
B：唔会唔会，你打你打你打
A：哎电话会漏电噶咩！
B：啊大婶啊，最好你快滴甘多
A：得了，好快脆，最多唔超过半个钟头！
B：半个钟头仲好快啊？！
A：喂！系咪大西洋宾馆呢？
? 系啊？我稳啊玉珠喔！
B：哦！稳亲戚
A：系喔外甥女来噶，今年21岁，身高一米六八，未结婚，未有对象
? 啊住起广东大道58号，系，顺德人黎噶！
B：大婶啊，你唔系打电话去报户口啊嘛？点解讲得甘清楚噶？
A：讲清楚人家容易稳啊嘛…啊，喂喂，哦……你问距起你地宾馆边个部门做野啊？啊距系响卖咸酸果个部门喔
B：哦…可能系个餐厅喔
A：乜嘢话？你地宾馆某卖咸酸的部门？我知啊，距唔系响你地宾馆果度卖咸酸！
B：哟，甘去边度卖呢？
A：距系响你地宾馆大门口斜对面左手边噶巷口摆档卖咸酸喔
B：哎哟，原来摆地档嘎？
? 同人地有乜关系啊
A：系某关系，不过麻烦你叫（吆）玉珠黎听电话得唔得？
? 咩话，你地唔得闲啊？
? 哎呀，同志啊，你学学雷锋好唔好？ B：哎嘿！
A：啊个档口离你地宾馆好近噶，啊玉珠奉旨唔会走开噶！
? 除非啊sir黎距就走唔切噶啧！
B：哇，原来无牌摊贩添甘样！
A：喂！喂！
? 突然间某声噶喂？
B：梗系某声啦，大婶啊，人地早就收左线啦！
A：唉，乜野服务态度！一！滴人情味都某！
? 算啦，等阵间再黎打过啦！
B：仲黎打过啊？！
A：你唔知啦，啊姨婆啊啱啱病好左某乜胃口，距食滴寒酸开下胃，甘咪打电话叫（吆）玉珠挪滴翻黎比距咯！
B：哦…甘睇黎大婶又几好人喔！
A：啊姨婆系孤寡老人，大家都要关心距嘎嘛！
B：系，应该关心，甘啊大婶，你一阵间唔使再黎啦
A：甘点啊？
B：还早我出街，我响街上送滴，我亲自送去咪得咯！
A：哎甘咪唔该晒你咯喔！
B：唔使唔该，关心孤寡老人大家都应该噶！A：系甘话，系甘我旨意你啦！
A：我走啦！
B：走啦？！慢慢行啊哈，好
A：开门！
B：又做咩啊大婶，漏左乜野啊
A：唔系漏野，啱先唔记得同你讲拜拜，拜拜！
B：扑哧，哎，几乎落到地下仲行翻转头拜拜喔，睇唔出大婶几廿岁人仲系甘生鬼！
? 你话死唔死啦，无啦啦比啊大婶搞左甘耐时间，真系仲使做野噶……
（A讲台山话）
A：开门！
B：又边位啊？
A：老杨啊，我想借个电话打下啦
B：哎呀原来系周伯啊！
A：老杨啊
B；点啊，乜事呢？
A：想借个电话打下啦
B：你又借电话啊？
A：诶！
B：啊周伯啊，你就住响我地下啦
走上去六楼借个电话甘就真系甘高难为你爬了
A：系，冲壶靓茶？
? 得咯，唔使甘客气咯？求其有马骝搣就得啦！
B：我唔知几时有冲靓茶呢？睇黎周伯只耳有滴撞聋噶了
A：哦某马骝搣有乌龙啊？乌龙都好喔嚯嚯嚯！
B：哎咩乌龙啊！我话你只耳啊，有滴唔掂啊！
A：你个电话又系漏电
B：电话点会漏电噶啧！
A：乜唔会啊！二楼啊张太个电话就会漏电咯！
B：你听距嗡啦，距唔肯借比你就真
A：距唔肯借就罢，你肯借得，你个电话唔会漏电？
B：唔会唔会唔会，打打打！
? 周伯，唔该快滴啊
A：得啦！
? 哎！系咪汽车公司啊？喂！
B：哎哎周伯，你唔使吹距
A：唔吹距唔响
B：哎你估距喇叭咩！
A：喂听唔到啦！
B：你梗系听唔到啦你知唔知啊！你只耳有滴装聋嘎，点听啊！
A：哎不宜甘啦，麻烦你帮下手啦
B：点帮法？
A：你同我揸住个电话，我讲说话，你同我传过去，唉塞(?)讲说话你同我传翻过来
B：甘咪变左电话线？
A：得吗？
B：某计了，距听唔到啊嘛，如果唔系距打到天光都未掂啊
A：系咯系咯！
B：得得得！
A：哎唔该晒！
B：啊周伯啊，讲掂先，你噶意思系咪即系话，我帮你听电话，（B：系）你讲咩野我就学翻比对方听，（B：系）对方讲乜野我就讲翻比你听？（B：哎某乜假咯）系甘啦嘛？
B：好，电话号码几多号？
A：837754
B：几多话？
A：837754！
B：837754！
A：系！
B：呵，正式监生激激唔死啊——通了，讲啊
A：系咪汽车公司啊？ （B重复）
B：系喔，问你稳边个啊
A：我稳周日发啦 （B重复）
B：距话距系周日发喔，问你系边个喔
A：我系你老豆！（B重复）
B：距话距系你啊爷喔
A：啊？！
B：距话距系你啊爷啊！
A：混账！ （B重复）
B：唔系唔系唔系喂喂喂，啊唔好误会哈，千其唔好误会，我呢就系六楼啊老杨，系，你啊老豆，你知嘎啦，距只耳有滴撞聋嘎嘛，距打电话比你距就硬系听唔到，因此啊叫喔黎同距打，距讲乜野我讲咩野，你讲乜野我讲翻比距听，就系甘样噶啧！唔系稳笨傻咩真系几廿岁人挪滴甘噶野黎讲！好好好，我问距啊，问你咩事
A：啊大嫂距啊生左个toy
B：哦…喂啊周日发啊，恭喜你啊，你老婆生左个仔啊！哇真系啊，好好好，我问距先下
? 改左名未喔？
A：等距老豆起名
B：喂，等你起名啊
? 啊？！起左拉？喂，叫咩名啊？周时发啊？哇，距老豆叫周日发，同个仔改个名叫做周时发，甘你地两仔爷咪发晒？哈哈，比滴人地发下先得噶，好好好好，我讲比距听，哈
? 改左啦，叫周时发
A：乜啊？
B：周时发啊！
A：走私犯啊？！
B：咩走私犯啊！叫周时发
A：哦……
B：即系话周时都发甘样 （A：哦周时发！）
A：发就好咯，发左之后我地都装翻个电话咯！哈哈哈哈哈哈！
B：甘就死得人多咯，等个孙大个发左先黎装翻个电话喔，甘我呢个电话咪有排捱？！
? 仲有咩讲先
A：某咯
B：喂，你老豆某了
? 哎唔系唔系唔系，唔系啊，哎呀口快快，真系，大吉利是，某，我问有咩讲距话某啦所以甘样……
? 你某野啊嘛？某，好就甘先哈，拜拜
? 周伯！（A：哎！）恭喜你喔！（A：乜啊）仲使问噶真系啊，抱孙啊嘛系嘛！甘系咪恭喜啊，啦干你得闲噶时候响屋企咪抱住个金菠萝玩下，甘你就唔使甘饭啦
A：唉仲留我乞饭？唔乞咯，走咯
B：走啦？
A：走咯
B：唔送了喔
A：唔使送咯，够钟乞饭再上过来咯啊哈哈哈哈哈哈哈哈
B：唉正式聋人好辩驳啊
唔知我几时有话请距食饭呢，唔使送咯，够钟食饭上过来咯，好似食硬甘样。唉甘你话死唔死啊，有电话又烦，某电话又烦，咧宜家有啦，你话唔借啊，甘又唔系几好，大街街坊街里，同屋***住，唔同借个电话打下都唔得咩，系嘛。呢滴叫做互相帮助嘛！你话借嘛，你就甘啱好似周伯同啊大婶甘……（A：开门！）
（A讲茂名话）
B：有边个啊？
A：啊杨先生开左门就知道我系乜水啦！
B：哦…我以为边位添，原来系啊张太啊嘛
A：乜仲使得叫我做张太么，我以为你装左个电话连楼上楼下都没有识得咯
B：哎呀装电话有乜甘巴闭啊，点会唔识得嘎，系呢，你稳我咩事呢？
A：想借个电话打打呢
B：开玩笑系咪啊张太，乜你都使借电话噶咩？
A：某有肯借么？
B：唔系…甘你屋企已经有电话啦！
A：系！我个电话系私人装噶，打一次要三四毫纸，打长滴要三两蚊鸡噶呢
B：甘锁骨噶人都有噶，真系！我个电话又系私人装噶喔
A：某有系，你系名演员，你个电话公家帮你装葛喔
B：唉，话就系甘话啧，个个都要交电话费嘎！
A：你某知我个电话出左故障打某通呢？
B：我个电话又系出左故障打唔通啊
A：你个电话咩故障？
B：漏电
A：专门电滴女人嘎
B：死某死，我个电话专电伯爷婆，距个电话专电女人噶喔
A：某有系，你某使呃我，电话某得漏电噶，我车大炮，吓下果滴伯爷婆噶啧
B：呵呵，正式鬼拍后尾枕，乜野都讲出黎啊
A：你借某借咯
B：如果我唔借呢
A：你某借我索性坐响度坐到你开饭我都某有走咯
B：哟，甘浪戾噶人都有噶，唉打打打打，快滴
A：早你就应该借比我，又某话阻你好多时间
B：怕你至怕塞车
A：喂？系某系金花酒楼咧？我稳啊张大眼，个花名叫大眼鸡呢
B：原来打电话稳老公喔
A：咩话？！你就系大眼鸡？！你只死佬你哇，我早就知你拉果班猪朋狗友上去饮酒了，你只发瘟鸡你哇，你日日坐响度风花雪月，丢低老娘坐响屋企度捱隔夜菜
B：我睇讲说话呢斯文滴好
A：咩话？！倾工作？！你某呃我！你够胆拉果只狐狸精出去鬼鬼混混！大眼鸡我警告你，你有第三者，我就有第六者！
B：哎正式人唔自量就某药医，好心你睇下你个样啦，仲话距第六者添喔你真系！
A：咩话，你某理我大把人理我（B：系咩？！）你嫌弃我大把人喜欢我，你讨厌我大把人爱我，我话你知，我家阵隔离就企响过个人就搏命追紧我，（B：啊？！）系乜水，我某有话你知！人家比你好得多，人家样子靓过你，人家噶身材几潇洒，某学得你走起来成只栋企水鱼甘样，只眼大只眼细，人家双眼有电噶，识讲相声，识讲金钱板，屋企装个电话几架势啊！（B：我啊？!）大眼鸡，距啱先表态噶咯，距话你明天上午同我离婚，距下午就同我登记噶咯！我话你知你今晚超过十一点仲某翻黎我就即刻执包袱走人！
B：你走人啊？你走去边度？
A：我搬黎你屋企住咯
B：你某害我我讲你听啊，唉哟！
A：某有使惊得甘交关，正一胆小鬼，我吓下大眼鸡噶啧
B：最怕吓唔到你大眼鸡，吓到我啵！
A：啊杨先生，你某使自作多情！对我想入非非！装左个电话好巴闭！
B：我某讲巴闭
A：我屋企有只电话
B：我知
A：我噶电话号码比你好记，66679046，即系666，转俾人戴绿！哼！哼！
B：哼！甘啊真系岂有此理，甘贱格噶人都有嘎！唔忿气，落去闹下距至得——唔好，费事同距嗌交，失斯文，打个电话向距批评下！岂有此理，等你666专比人戴绿啊啦！
? 喂，张太，揾你做乜？某，向你提下意见咯，你头先响我屋企打电话果阵时啊，真系太唔似样了！睇你一表斯文，讲说话俗到死，专贪小便宜，心灵很不美，外表鬼甘靓，里头似只烂沙梨，你滴甘噶所作所为啊我讲俾你听啊，如果你唔改噶，你将来行到边度都好，都系神台猫屎，神憎鬼厌噶炸…
A：你好野！
B：乜你几时上黎噶你
A：你都某关门我咪入黎咯！
B：某关门你就可以入得黎噶咩？！
A：你好野啊，讲说话有板有眼，押晒韵噶，用电话闹人都几新鲜啊
B：喂，我某闹你喔，我只不过向你提意见噶啧喔
A：提意见？你话我将说话俗到死（B：甘你话系唔系啊？）心灵很不美（A：你自己知啦）你拆左我个电话我都某有使怕（B：甘即系话你呢众人乜到唔使怕噶了）反正喔住起你楼下（B：做咩啊？）从明天开始喔就日日黎你屋企（B：点？）借电话！（B：哈哈哈嘿！）